بالصلاة على النبى كدة لازم نقاطع الجيلاتى

[center]



من كام يوم كدة قبل رمضان يعنى شوفت عم حلولى بتاع الجيلاتى فى الشارع

وكانت الدنيا حر قولت يا بت انزلى هاتى قرطاس

سالتة بكل الاطة هى البولة بكام لو سمحت

تتصورا قالى 3 جنية قلتلة كانة مش هاممنى ولا عينى طلعة علية

هات واحدة واتوصى شوية

المهم اول ما ادهانى نطيت عليها وكلتها فى ثانية وربنا

وبعد ما ضربت البولة حسيت انى عاوزة تانى

فروحت اشحت من البواب الى تحت العمارة وبتاعة الفجل الى قدام البيت

لغتية ما لقيت نفسى معايا 2 جنية ونص بحلهم

روحتلوا تانى لقيت واحدة وقفة عندة

وحشة اوووووووووووووووووووووووووى

شعرها اصفر كدة وعيونها خضر ورشيقة وتجنن

ومعرفش طايقة نفسها ازاى البت دى


لقيتة بيقولها البولة ب2 جنية ونص

قلت اكيد قلل السعر علشانى علشان اعبرة

اصلة كان بيبصلى وهوة بياخد الحساب...بس على مين

روحت قلتلة هى البولة بكام

رد بكل وقاحة ما انتى سالتى قبل كدة ب3 جنية

قولت معقول علشان مش اديتة ريق حلو يعمل كدة

قولت ادلعى شوية يابت وغيرى من سياستك

رققت صوتى وقلتلة طيب النص بولة بكام

تخيلوا الوقح الرخم يرد يقولى

نص بولة اية دة انتى لهفتى الاولنية كلها...انتى ينفع معاكى نص بولة انتى

علشان كدة من مكانى دة بقولك











لازم نقاطع الجيلاتى وخصوصا بتاع عم حلولى